प्रीतम को आज नचाओ री (यश कुंवर जु)

*प्रीतम को आज नचाओ री*

प्रीतम को आज नचाओ री
प्रीतम को.....

झटपट पकड़ लेहु प्यारे को, सजधज बनी बनाओ री।।
प्रीतम को......

लहंगा चूनर चूरि पहनाओ कंचुकि चोली बन्धाओ री।।
प्रीतम को .........

नैनन अंजन आंजि रचाओ, बेंदी भाल लगाओ री।।
प्रीतम को.....

झुमका नथ वेसर झमकाओ, गाल गुलाल लगाओ री।।
प्रीतम को .....

पानि पकड़ दै तारि नचाओ, होरी फाग गवाओ री।
प्रीतम को.......

शान्ति सियाजू के पग लगवाओ,
पिय सों हार लिखवाओ री
प्रीतम को नाच नचाओ री
प्रीतम को......